ليش نكابر بالحب ..؟؟

يقول الشاعر حامد زيد
انا خسرت اللي غيابه غير عن كل الغياب
انا غفرت لعالم ماتستحق المغفره

ليش نكابر بالحب ؟!!!!!

ليش اللي نحبه نخسره ونغفر اللي مايستاهل الحب؟
ليش نكااااااااااااابر باسم العزه
؟
وهل بين الأحباب مثل هالمبادئ؟
كم فيه محبين تفارقوا بسبب تافه ؟
ليش نغفر للي مايستاهل ونظلم اللي يستاهل ؟
اسئلة كثيرة جواباتها لقيتها عند المحبين من الشعراء اخترت لكم منها هالأبيات

ياناس حبي له بلا سلم وحـدود
وفراق روحي من سبايب فراقـه
ان كان شفته فتح القلب بـورود
وان غاب هلت دمعتي من فراقه

محمد السديري

حرام الوصل مايجمع قلوبٍ عن هواها بعـاد
وبعض البعد لو عذب يجمـع بيـن خلانـي

بدر بن عبدالمحسن

حبيب الروح وشوله نقضي وقتنـا زعليـن
ترى الاعمار في دنياك بالساعـات معـدوده
نبي نقطف زهور الحب من قبل الفراق الشين
حرام انا نحرم النفس والفرصـات ماجـوده

عبدالله الفيصل

أموت من فرقاك وأمـوت بلقـاك
وأموت من جورك وأموت بحنانك
كلٍ قضاه يموت مـرة .. ويفـداك
وأنا أمـوت ألفيـن مـرة عشانـك
أذكرك لامني نسيت انـي انسـاك
وانساك لامنـي ذكـرت انسيانـك

طلال الرشيد

يامـن يراعيـنـي بعيـنـه وأراعـيـه
بعيـون قلبـي كـل مـا لاح زولــه
يـفـز قلـبـي لا تـبـدت مـواريـه
واغض عنه الطـرف والنـاس حولـه
اقعد معه في الناس مـا اقـدر احاكيـه
اخشـى كلامـي يختلـف فـي مقولـة
يغلي الحكي في داخلي ما اقدر احكيـه
ويصرخ في صدري صمت قد طال طوله
اسرح بفكـري لا جـرى طـاري فيـه
لا اقـدر ارد الهـرج ولا اقـدر اقولـه
لا اقدر افيّض سـر قلبـي ولا اخفيـه
ولا اقـدر اداري لـه جـروح عليـلـة
يـامـن يناديـنـي بقلـبـه وأنـاديـه
يـا مـودع ليـلـي لـيـالٍ طويـلـه
ينسى الغفـى عينـي اذا جيـت باغيـه
يامـن يلـوم اللـي خـلا مـن خليلـة

نجدية

تخطي علي .. واستسمحك .. واترجاك
ضعفي هـواك ..وفطنتـك ماتخونـك
المشكلة انـي كـل ماجيـت ابنسـاك
فكرت نفسي .. كيف ترتـاح دونـك ؟
سعود بن بندر

ياعين هِلِّي صَافي الدمـع هِلِّيـه
وإلْيَا انتهى صافِيْه هَاتي سِرِيْبِـه
ياعين شوفي زرع خلك وراعيه
شوفي معَاوِيْدِهْ وشوفـي قِِليْبِـه
من أول .. دايم لرايـه نماليـه
واليوم جَيَّتْهُـم علينـا صعيبـه
وان مرني بالدرب ما اقدر أحاكيه
مصيبة ياكبرهـا مـن مصيبـه
اللي يبينا عيت النفـس تبغيـه
واللي نبي عيا البخت لا يجيبـه

نورة الحوشان

توديع الاحباب مثل الموت له سكره
أدمى جروحي وشق الصدر منّيّـا

و.........
يا وسيع البـال .. ضيّقـت الصـدور
رحت ما علمتني ويـن انـت سـاري
في غيابك.. مـا لخلـق الله حضـور
وفي حضورك.. ما لهم بالبال طـاري
متعب التركي

وسلامتكم