تدري وش اللي يجرح القلب جرحين
..............................................ويمد حبل الحزن فيك ويشده
انك تنـــــــاظر طفل من غيري ابوين
............................................يمشي ودمعه سايل فوق خده
منظر صعيب ويقسم القلـــــب قسمين
.........................................لا قام يمسح دمعه بكف يــــده
يمشي ولا يدري طريقه على وين
.............................................لين التعب من كثر ته هده
اثقل حروف يشيلها فيه حرفيــــن
...........................................لا اب يدري به ولا ام ترده
في خطوته رحلـه ودمعـه وسكين
........................................وحظ توسد بالمراسي مخده
جيت اسألــه بالله قللي ولد مين ؟
...................................وبغى يجاوب واختنق صوت رده
ان يتيــــم ومــــــا لدربي عناوين
...................................وجزر الحزن فيني يساوي لمده
وطعم الطفولة ما عرفته لهالحين
...................................وثوب السعادة صرت مانيب قده
ابكي الى من شفت غيري سعيدين
..................................لين البكـــــــــا فيني يوصل لحده
واقفى ورحت امسح دموعي من العين
..............................وعينيي يتناظر دمعته فوق خده
وهذا هو اللي يجرح القلب جرحين
................................ويمد حبل الحزن غصب ويشده
الخميس سبتمبر 10, 2009 6:31 pm
