حملة نبغى نكون شباب وبنات فللللللللللللله ..

هايوووووو كيفكم قايز أن شاء الله تمام
ا
هادا أول موضوع ليا و أن شاء الله يعجبكم ^_^

حملة نبغى نكون شباب وبنات فللللللللللللله ..

لا أتول عليكم وأخليكم تشوفو الموضوع أتمنى تستفيدو منو

أنا شاب زي أي شاب تاني من شباب جدة..

اسمع اغاني وألبس ماركات أطلع كباين أروح كفيهات عندي لكزس وعندي جيرل فريند

ربنا عالم وعارف إني كنت صادق في حبي وعشقي للبنوتة هذه... وكانت نيتي الزواج

جلسنا مع بعض 4 سنين... وبعدها

ربنا فرقنا... جاها ولد الحلال ووافقوا أهلها واتزوجت

وبعدها وأنا حياتي كلها انقلبت سرت بس ابكي .. ( ايوة رجال وابكي.. اعترف)

طلعت الكورنيش قعدت لحالي.. وحطيت النضارة عشان لحد يشوف دموعي

سألت ربي كتير ليش؟؟ ليش أخدتها مني يا رب؟؟ ليييييش؟ ليش فرقتنا؟؟

الين وصلت لمرحلة حسيت نفسي خلاص مكتوم ومخنوق... مني قادر اتنفس

البحر قدامي والدنيا ظلام وسكون.... البحر قدامي

ارمي نفسي في البحر؟؟ ارمي نفسي في البحر وارتاح من حياتي وهمي

الهم والوجع اللي في قلبي ما بيروح... نفسي اخرج قلبي وارميه.. او أرمي نفسي

قربت شوية وطلعت على صخرة كبيرة..

طالعت في البحر تحتي..أسود وعمييييييق وأمواج..

رفعت عيني فوق للسما... طالعت للنجوم والقمر.. ونزلت دمعة من عيني

سامحني يا رب... استغفرك يا ربي... استغفرك يا رب من فكرة الإنتحار

استغفرك يا رب ساااااامحني...

قمت جريت رجعت عالسيارة... فكيت ازارير القميص لأني من جد كنت مكتوم

دورت في الدرج على حاجة... من زمان كنت حاططها.. امي قالت لي حطها في السيارة عشان البركة

خرجتو... فتحت أول صفحة..

(بسم الله الرحمن الرحيم... الحمد لله رب العالمين.. الرحمن الرحيم.. مالك يوم الدين.. إياك نعبد وإياك نستعين..

اهدنا الصراط المستقيم.. صراط الذين أنعمت عليهم.. غير المغضوب عليهم ولا الضآلين)

وبعدها قريت سورة البقرة... قريتها كلها

انا اللي ما أختم القرآن غير في رمضان... قريت 3 أجزاء كاملة في وقت قصير في السيارة

والله العظيم حسيت براااااحة... راااااااحة عجيبة

بعدها ما ادري ايش اللي خلاني لا شعوريا.... أدور على سي دي

سي دي أغاني كان من ريهام مكتوب عليه... إلى حبيبي أحبك...

أخدت السي دي... نزلت من السيارة.. طلعت على الصخرة تاني.. رفعت يدي بكل قوتي ورميت السي دي

رميتو في البحر بعييييييييييييييييييييييييييييد...

بعدها رجعت للبيت.. دخلت لغرفتي قمت أدور على السجادة زي المجنون.. فين السجادة؟ مين شالها؟ انت متى آخر مرة صليت يا محمود؟؟؟

قمت رحت أخدت سجادة من غرفة المجلس.. قفلت على نفسي الباب.. وصليت العشا وبعدها قعدت مع ربي

سامحني يا رب... سامحني اغفر لي ذنوبي يا ربي

ربي انت بتعاقبني... انت بتعاقبني على كل ذنوبي اللي عملتها

عشان كدا أخدتها مني... ما كنت أصلي ما أصوم ما أتصدق كل همي أغاني وجوالات وخرجات ومسخرة وقلة حيا

ما عمري وقفت ودعيتك يا رب.. ما عمري طلبتك تزوجني ريهام... عشان كدا اخدتها مني

اغفر لي ذنوبي... اغفر لي يارب... واسعدها واغفر لها

يا رب انا راضي بقسمتك... راضي بنصيبي يارب .. لا اعتراض لدي يا رب

عوضني بإنسانة أحسن منها... وعوضها بإنسان أحسن مني

يا رب اني كنت من الظالمين..... لا إله إلا أنت سبحانك إني كنت من الظالمين

اليوم اللي بعده... قمت حسيت إني إنسان جديد

من اليوم...... راح اكون أقرب لربي

راح أصلي الصلوات في وقتها.. وفي المسجد إنشاءالله...

راح استغفر ربي.. كل وقت.. من لزم الاستغفار يجعل الله من كل ضيق مخرجا.. ويفرج همه

راح أدوام على الأذكار والمعوذات..

راح أتصدق على الفقراء
راح أخفف أسمع أغاني...
راح أقرب من ربي
ما اقول اني حأسير مطوع أو ملتزم..
لا... راح أكون إنسان صالح زي أحمد الشقيري
يا مقلب القلوب... ثبت قلبي على دين

خلونا نبدأ يا شباب من اليوم... خلونا نبدأ يا صبايا

كلنا عندنا أحلام.. كلنا عندنا طموحات ونبغاها تتحقق

كلنا عندنا أحلام... وما بتتحقق

عارفين ليش ما بتتحقق؟؟؟ لأننا بعيدين عن ربنا

خلونا نقرب من ربنا شوية

ما اقول نسير مطوعين.... خلونا نقرب من ربنا

خلونا نرجع لربنا

الأغاني تجيب الهم والاكتئاب.... هذي الأيام كثرت العلاقات بين الشباب والبنات

هذا يحب هذه... وهذه تحب هذا...

يمكن يكون يحبو بعض من جد ويكون قصدهم ونيتهم الزواج ما أظلمهم

لكن.... أيام كثيرة يجي الفراق وما يسير نصيب

تلاقي المفارقين ايش يسووا؟؟؟

يلجئوا للأغاني ويهيموا في اجوائها ويعيشوا زي الأفلام في جو حزن وكئيب ودموع...

اشتأتلك... واشتأت لكل حاجة فييييك.. وبحن لك

أنا حبعد عنك وأنا وياك ألبي... حتحمل تعبي.. في بعدك الله يعينني..

الأماكن كلها مشتاقة لك... حتى ضحكتي لك فيها شي

الأغاني هذه الأيام كلها هم وفراق.... ما تزيد همك غير هم

محا تملأ عيونك غير دمووووع.. وتخلي الدنيا سودا كئيبة

اسألوني انا مجرب

ما فكرت أنك تلجأ او تلجأي للقرآن؟؟؟ اسمعوا واقرأو قرآن

صدقوني راح تحسوا برااااااااااااااااااااااحة وطمأنينة

وامكن سبحان الله ربنا يرجعكم لبعض تاني ويجمعكم في زواج

وفي أوقات الأختبارات
فجأة تلاقي الشباب والبنات كلهم ساروا يدعوا ويصلوا ويروحوا الحرم...

نزل الدين فجأة... وبطلنا نسمع أغاني... ما يسير نسمع اغاني بعدين ربنا ما يوفقنا

وبعد ما نستلم النتيجة... نرجع لحالنا الأولاني

ليش؟؟ يعني ما نذكر ربنا غير في وقت الشدة؟

صدقوني أنا ندمان...كنت لاهي عن ربي وضيعت حب حياتي..

وصحيح إني ما رجعت لربي غير وقت الشدة

لكني حأستمر في طريقي هدا... من الييوم راح أذكر ربنا على طول وقت الشدة ووقت الفرح

خلونا نستمر... وإنشاءالله ربنا يوفقنا في حياتنا كلها.. مو بس في الامتحانات..

واحد من الشلة... كان يحب بنت عمه وهي تحبه

لكن أهلها ما كانو راضين.. بصراحة لأنه الولد سمعته سيئة

بعد ما رفضوه أهلها.. انهاااااار وحالو سار زي حالي

اخدتو على جنب قلت له... مالك غير ربك ادعيه انه يرقق قلب أهلها ويوافقو

قال لااااااااااا خلاااااص كل شي انتهى.. انتهيت خلاص مستحيل اهلها يوافقوا

قلت مافي شي مستحيل على ربنا

استغفر ربك وصلي وادعي... خلي أملك بربنا كبير

ارجع لربك وانشاءالله ييسر أمورك
خلونا من اليوم نبدأ بداية جديدة.... نبدأ صفحة جديدة
مشاريعنا من اليوم:
1- أول خطوة... متى آخر مرة قرينا قرآن؟؟؟

توجه لأقرب مصحف.. وأحضنه.. وبوسه... وأسأل ربك أنه يجعله قرة عينك.. واقرأ سورة قصيرة منه.

2- الصلاة... الصلاة... كل حاجة سويها... إلا صلاتك لا تتهاون فيها أهم شي الصلاة

خلونا شباب وبنات فلة...نطلع نروح نجي نستمتع نلعب... لكن وقت الصلاة نترك كل شي ونصلي

3- كل ما حسيت أن فيه مؤثر ممكن يجرّك للمعاصي استغفر ربك وقول استغفر الله

4- اذا حسيت في أغنية جديدة ضاربة ونفسك تسمعها... ايش تسوي؟؟

اول قول استغفر الله... واذا حسيت انك مرررررة تبغى تسمعها ومنت قادر

استبدلها بشي تاني..... استبدلها بالقرآن.. بكلام الله العظيم

5- نزل في جوالك برنامج القرآن... اقرأ منو لمن تكون فاضي وقبل ما تنام صدقني راح تجس براحة عجيبة

6- من اليوم... ما اقول احذف كل الاغاني في جهازك او جوالك... لكن كل يوم احذف اغنية.. كل يوم احذف مقطع فيديو...كل يوم احذف صورة وسخة...

7- لمن تكون قاعد تتفرج تلفزيون ومافي شي حلو... تروح على مزيكا وميلودي طبعا.. جرب انك تدور على قناة المجد او اقرأ... اسمع فيها سورة او اسمع محاضرة.... صدقوني فيها مواضيع حلوة

9-اول ما تركب السيارة.. اقرأ المعوذات والأذكار.. وحصن نفسك

10- جرب تدخل في النت على مواقع دينية او منتديات

11- لما نفتح ايميلنا... نلاقي ايميلات كتيرة.. منها الوسخة ومنها الدينية.. بنفتح الوسخة واللي مكتوب جنبها 18+ على طوووووول... وبنحذف الدينية

14- الشباب والبنات اللي في جدة ومكة والطائف... حددوا يوم في الشهر تجتمع فيه الشلة وبدل ما تروحو الكوفي والكباين.. روحو الحرم مع بعض..

أبواب الخير كتيييييييرة يا شباب وكلنا عارفينها...

القيامة قريييبة... صدقوني القيامة قريبة

البراكين والزلازل اللي في المدينة اكبر برهان

خلونا نرجع لربنا

في نهاية الحملة:
كل الشباب والبنات... خلونا نبدأ مع بعض
ما نبى نكون مطوعين.. لكن نبى نكون قريبين من ربنا
نبغى نكون شباب وبنات فلة... لكن قريبين من ربنا
صحيح نسمع أغاني.. لكن حنخفف منها ونسمع ونقرأ قرآن
صحيح نروح كفيهات... لكن بنروح الحرم كمان
صحيح بنركب جيت سكي.. لكن وقت ما يأدن نقوم نصلي
صحيح نشرب معسل... لكن انشاءالله نبطل
صحيح نتفرج تلفزيون.. لكن وقت الأذان نقفل الصوت
صحيح نروح مولات.. لكن ما نرقم بنات >>>> أهمم شي
صحيح بنضيع وقت عالنت... لكن بنسوي شي مفيد

لاتقف كثيرا عند أخطاء ماضيك فهي ستحول حاضرك جحيما ومستقبلك حطاما

يلا أبغى أشوف ردودكم الحلوة إلي زيكم

تــــــــــشاوو

ثانكس
ان شاء الله فلله

انشاء الله
سلمووو ع الطرح

والله ان الولد حزني

شـــــ كــــرا ع الموضوع المحزن

شـــــــــــكرا


يسلمووووووو

يسلموووووووووووووووووووو

يعطيكي العافيهــ

تقبلي مرووري

مررررررررررررررررة يجنــن الموضوع مرررررة

من جد أثر فيا

وان شاء الله نقرب أكثر من ربنا

والله يعوضو خيير ويكتبلو الأجر ان شاء الله لو ولكي يارب

يسلموووووو على ردودكم الحلوة إلي زيكم
{Admin_ Ro0oz _ مهستر والله يستر _ M.A.F.I.A _ marjoOojah _ half mo0o0o0on}
وإن شاء الله مايكون نسيت أحد

لآلآ ماشاء الله مانسيتي احد
نبي جديدكـ
زيلكم ..

يب يب ما نسيتي احد بس نسيتي نفسك هع

يسلموو

هههه

يسلمووووووووووو


الله يعطيك الف عاااااااااااافية
مشكوووووووووووووووورة

يسلمو

الله يهديناا جميعاا

جزاك الله خيرر

ثااااانكس حبايب ألبي على ردودكم الحلوة

ويلكمـ

ولــــــــــــكم ........